von Johanna Bojarra

Ünner dit Motto sünd de 6. Plattdüütschen Wochen in’t Staatliche Museum Schwerin fierlich losgåhn. Ein lüttet Kuddelmuddel mit de Technik tau Beginn von de Uptaktveranstaltung wier fix vergäten. Mit väl Charme hett Emma Bliemel dörch dat Programm führt, musikalsch begleit’ vun de Band Tüdderkram. Museumsdirektorin Dr. Pirko Kristin Zinnow, Ministersche Bettina Martin un MdB Ina Latendorf hebben de Gäst Dach secht. Achteran hett de Vörsitter von’n HMV, Dr. Martin Buchsteiner, denn offitschellen Startschuss för de Plattdüütschen Wochen gäben. Tau’n Uptakt wieren Gäst un Schriewerslüd ut ganz Mäkelborg-Vörpommern un sogor ut Schleswig-Holstein un Brannenborch anreist. Mit de Vörstellung von denn niegen Voß-un-Haas-Klenner dörch denn Hinstorff Verlag un Susanne Bliemel un Läsungen von Schriewerslüd geef dat twischen Kunst un Kultur glieks ’n stimmungsvullen Start in vier Wochen vull Platt.

zur aktuellen Ausgabe